უკრაინის ირგვლივ გამწვავებული კრიზისის ფონზე, აშშ-ის სახელმწიფო დეპარტამენტმა ამერიკელ სახელმწიფო მოხელეთა ოჯახებს ბელარუსის დატოვება უბრძანა.
სახელმწიფო დეპარტამენტის მიერ გამოქვეყნებულ შეტყობინებაში ნათქვამია, რომ "ბელარუს-უკრაინის საზღვრის გასწვრივ რუსეთის სამხედრო ძალების უჩვეულო და შემაშფოთებელი მატების გამო, ვითარება არაპროგნოზირებადია და რეგიონში შეიმძნევა მზარდი დაძაბულობა".
სახელმწიფო დეპარტამენტი ასევე აფრთხილებს ამერიკის მოქალაქეებს, რომ ბელარუსში გამგზავრებისგან თავი შეიკავონ.
როგორც ცნობილია, ამერიკის მთავრობა საკუთარ მოქალაქეებს კორონავირუსის პანდემიისა და ქვეყანაში არსებული განუკითხაობის გამო, ბელარუსში გამგზავრებისგან თავშეკავებისკენ მანამდეც მოუწოდებდა, ახლა ამას დაერთო ბელარუსში რუსეთის სამხედრო ძალების შეყვანის გამო შექმნილი დაძაბულობა.
უკრაინის მოსაზღვრე ბელარუსში რუსი სამხედრო ძალების გადაყვანა აჩენს შიშს, რომ შესაძლოა, რუსეთი უკრაინაზე ბელარუსიდან თავდასხმას გეგმავდეს. აშშ-ის თავდაცვის დეპარტამენტის ცნობით, რუსეთი აგრძელებდა ბელორუსში ჯარების განთავსებას შაბათ-კვირას.
