ბატონი ჰარცელის განცხადება არის გამეორება განცხადებების, რაც სასამართლოსთან დაკავშირებით გაუკეთებიათ, რომ პროცესი არ იმსახურებს სანდოობას, რადგან სასამართლოზე პოლიტიკური კონსენსუსი არ არის მიღწეული, აცხადებს პარტია „მოქალაქეების“ ერთ-ერთი ლიდერი ლევან იოსელიანი. მისი თქმით, "ქართული ოცნება“ ჯიუტად განაგრძობს უზენაესი სასამართლოს მოსამართლეების დაკომპლექტებას.
„მე კითხვა მქონდა მოსამართლესთან, რამდენად უწყობდა ხელს ამ პროცესის გაგრძელება სასამართლოსთვის ნდობის აღდგენას. ყველამ კარგად ვიცით, რომ ჩვენი პარტნიორების მოწოდება არის, პროცესი შეჩერდეს იქამდე, ვიდრე არ მოხდება პოლიტიკურ პარტიებს შორის კონსენსუსის მიღწევა. სამწუხაროდ, ამას „ქართული ოცნება“ არ იზიარებს და ჯიუტად აგრძელებს უზენაესი სასამართლოს მოსამართლეების დაკომპლექტებას.
ბატონი ჰარცელის განცხადება არის გამეორება განცხადებების, რაც სასამართლოსთან დაკავშირებით გაუკეთებიათ, რომ პროცესი არ იმსახურებს სანდოობას, რადგან სასამართლოზე პოლიტიკური კონსენსუსი არ არის მიღწეული. იყო შეთანხმება, რომ ამაზე უნდა დაწყებულიყო მსჯელობა და ვფიქრობ, ამ გზავნილის გაგრძელებაა დღესაც ბატონი ჰარცელის განცხადება“, – განაცხადა ლევან იოსელიანმა.