ყოფილი ხელისუფლების მეგობართა კლუბები არსებობენ, მათ შორის ევროპასა და შორის შეერთებულ შტატებში. მათი განცხადებები, ჩემთვის პირადად, როგორც პრემიერმინისტრისთვის, აბსოლუტურად უინტერესოა,- განაცხადა საქართველოს პრემიერ-მინისტრმა ირაკლი ღარიბაშვილმა პირველი არხის ეთერში.
ღარიბაშვილის თქმით, მისთვის საინტერესო არ არის რას იტყვის რომელიმე მიკერძოებული ევროპარლამენტარი ან კონგრესმენი.
"კარგად მოგვეხსენება, რომ ყოფილი ხელისუფლების მეგობართა კლუბები არსებობენ, მათ შორის ევროპაში, მათ შორის შეერთებულ შტატებში. მათი განცხადებები, ჩემთვის პირადად, როგორც პრემიერმინისტრისთვის, აბსოლუტურად უინტერესოა. ...მაშინ, როცა "ნაციონალური მოძრაობა" იყო ხელისუფლებაში, მათ მოახერხეს და შექმნეს ე.წ. მეგობართა კლუბები, ამერიკაშიც, ევროპაშიც, ევროპარლამენტარებს ვგულისხმობ, ვგულისხმობ კონგრესმენებს და სხვადასხვა ანალიტიკურ ცენტრებში დასაქმებულ ე.წ ექსპერტებს, შეგახსენებთ, რომ არა ამ ქვეყნის მეგობართა კლუბებში, არამედ პირადი ნაცნობობა და მეგობრობა აკავშირებთ, მათ სახელმწიფო ბიუჯეტიდან მილიონები აქვთ დახარჯული, სახელმწიფო ბიუჯეტიდან და არა პირადი ან პარტიის შემოსავლებიდან.
შესაბამისად, ეგ ჩემთვის ძალიან მარტივი ასახსნელია, მაგალითად, რას იტყვის რომელიმე მიკერძოებული ევროპარლამენტარი ან კონგრესმენი, არ არის საინტერესო ჩემთვის, მით უმეტეს, ჩვენი მოსახლეობისთვის არ უნდა იყოს საინტერესოა", - თქვა ღარიბაშვილმა.
