საქართველოს ისტორიისთვის ღირსეული ქცევაა, რასაც ახლა სააკაშვილი აკეთებს, - თქვა ძალა ერთობაშიას წევრმა, დეპუტატმა გუბაზ სანიკიძე ტელეკომპნია პირველის ეთერში.
მისი თქმით, საქართველოს ისტორიაში შევა ან მისი შემოსვლა, ან მისი ასეთი თავგანწირვა, ეს დარჩება უკვე ლეგენდად ამ ქვეყანაში.
"კაცი არის ჰაველისა და ჩე გევარას ნაზავი. აი, ორივეს უნარი აქვს. აქვს რეფორმების უნარი და აქვს ბრძოლის უნარი. ეს არის ლეგენდარული ამბავი, როგორ ბრუნდება მამისეულ სახლში, თავის სამშობლოში მიხეილ სააკაშვილი, საქართველოს მესამე პრეზიდენტი, თავისი ტრაგიზმით და დრამატიზმით აღსავსე, მაგრამ მებრძოლი ამ ქვეყნისთვის.
როცა არის ლაპარაკი, ცოდოა მიშაო, ხალხო, არსებობენ ადამიანები, რომლებზედაც არ შეიძლება, თქვათ "ცოდო“. სააკაშვილი ეკუთვნის იმ ადამიანების რიცხვს, რომლებიც კვდებიან ფეხზე და მებრძოლები. სააკაშვილს არაფერი საცოდავი არ აქვს, საცოდავი არის ეს ხელისუფლება, ხალხო. მიშა რომ მაგარია, დედამიწაზე ახლა ორი კაცი არ არის მასეთი მაგარი, ისეთი გამაგრებული და ისეთი შეუპოვარია. ფანჯრები ამოუქოლეთ, მზის სხივს აღარ აჩვენებთ. ბიჭო, ახალ ნელსონ მანდელას იღებთ უკვე, რომელიც მოგიღებთ ბოლოს მერე", - თქვა სანიკიძემ.
