ლატვიელი ევროპარლამენტარის, ინესე ვაიდერეს შეფასებით, რომელიც ევროპარლამენტის სადამკვირვებლო დელეგაციას ხელმძღვანელობს, თვითმმართველობის არჩევნების მეორე ტური მთლიანობაში კარგად იყო ორგანიზებული, თუმცა ხარვეზებიც ახლდა.
"ჩვენ ვფიქრობთ, რომ მთლიანობაში საარჩევნო პროცესი კარგად იყო ადმინისტრირებული და ასევე, ვნახეთ უამრავი ქალის მყარი გადაწყვეტილება, რომ ხელი შეეწყოთ საარჩევნო პროცესის კარგად ჩატარებისთვის. ძალიან დიდი მადლობა ქალებს, ვინაიდან მათ ძალიან კარგად იმუშავეს საარჩევნო უბნებზე.
მეორე ტურში ჩვენმა დაკვირვებამ დაადასტურა, რომ ძალიან ბევრი საჩივარი შემოვიდა ძალადობასთან დაკავშირებით, ასევე დაშინებასა და წამაქეზებელი სიტყვების გამოყენებასთან დაკავშირებით ძირითადად ოპოზიციის მიმართ. თბილისში არ იყო დიდი დარღვევები, რამდენიმე გართულების გარდა. ჩვენმა გუნდმა ზუგდიდში არეულობები დააფიქსირა საარჩევნო უბნების მახლობლად. ვიცით, რომ მედიამ გააშუქა ეს მოვლენები, რაც ხდებოდა ზუგდიდის რამდენიმე საარჩევნო უბანზე. მოსყიდვის ფაქტების შესახებაც მოგვახსენეს.
რაც შეეხება ადმინისტრაციულ საზღვარს, როგორც ჩვენ გვითხეს, ვერ გადმოვიდნენ აფხაზეთიდან მოქალაქეები ზუგდიდის მიმართულებით. მათ ფაქტობრივად აღეკვეთათ არჩევნების განხორციელების უფლება.
საქართველო არის ნომერ პირველი, უმაღლეს პარტნიორებს შორის ევროკავშირისთვის. კარგი იქნებოდა თუ საქართველოს პოლიტიკური კლასი წერტილს დაუსვამდა ამ გაყოფას და უფრო მეტად ყურადღებას გაამახვილებდა თანამშრომლობაზე და რეფორმებზე. ევროკავშირი ყურადღებით დააკვირდება საქართველოს ხელისუფლების მიერ საერთაშორისო სადამკვირვებლო მისიის მიერ გამოცემული რეკომენდაციების შესრულებას. სრულ მხარდაჭერას ვუცხადებ ევროკავშირი-საქართველოს ურთიერთობას”, - განაცხადა ევროპარლამენტარმა
