პირველ რიგში, მინდა ძალიან დიდი მადლობა გადავუხადო ჩემს ზუგდიდელებს საოცარი მხარდაჭერისთვის, მაღალი აქტივობისთვის - ეს ჩემთვის ძალიან დიდი პასუხისმგებლობა და გამოწვევაა, - ამის შესახებ ზუგდიდში „ქართული ოცნების“ მერობის კანდიდატმა, მამუკა წოწერიამ გადაცემაში „არჩევნები 2021“ განაცხადა.
მისი თქმით, ზუგდიდელები არჩევნების პირველი ტურის შედეგებით უკმაყოფილოები იყვნენ და სწორედ მათი მობილიზების შედეგი გამოჩნდა მეორე ტურში.
„ცალსახად შემიძლია ვთქვა, რომ ამ უდიდესი მხარდაჭერით მოვიგეთ როგორც სამაჟორიტარო ოლქი, ისე მერის არჩევნები. როგორც მერი, მე ვიქნები თითოეული ზუგდიდელის მეგობარი და კეთილმსახური, მიუხედავად მათი პოლიტიკური განწყობისა“, - განაცხადა მამუკა წოწერიამ.
ცესკო-ს წინასწარი მონაცემებით, ზუგდიდში "ქართული ოცნების" კანდიდატმა მამუკა წოწერიამ ხმების 52.03% მიიღო, ანზორ მელიამ - 47.97%. დათვლილია ხმების 83.48%, 109 უბნიდან 91 უბნის მონაცემები.