სააკაშვილო, გამოიხედე ციხის სანკიდან. ნახე, რამდენი თავისუფალი ქართველია აქ, რომელსაც არ უნდიხარ - საქართველოს კულტურის მინისტრმა თეა წულუკიანმა თავისუფლების მოედანზე მიმდინარე აქციიდან საპატიმროში მყოფ მიხეილ სააკაშვილს მიმართა.
წულუკიანის თქმით, სააკაშვილის დაპატიმრებით, უკეთესი საქართველოსთვის ბრძოლა არ დამთავრებულა.
"სააკაშვილო, გამოიხედე ციხის სანკიდან. ნახე, რამდენი თავისუფალი ქართველია აქ, რომელსაც ახსოვს შენი მოძალადეობრივი რეჟიმი, რომელსაც არ უნდიხარ. დღეს ჩვენ კვლავ ვიბრძვით მოძალადე რეჟიმის წინააღმდეგ. ხომ ბევრს გეგონათ ჩვენო მხარდამჭერებო, რომ ეს დიდი ბოროტება ჩაჯდებოდა ციხეში, ბრძოლაც დამთავრდებოდა. არა, უკეთესი საქართველოსთვის ბრძოლა ასე მარტივად არ მთავრდება. ასე ცხოვრობდა ამ მიწაზე ჩვენამდე და ჩვენც წინ გვაქვს კიდევ ახალი და ბევრი ბრძოლა", - თქვა წულუკიანმა.