თავისუფლების მოედანზე "ნაციონალური მოძრაობის" მიერ, მიხეილ სააკაშვილის გათავისუფლების მოთხოვნით, დაორგანიზებული საპროტესტო აქცია დასრულდა.
თავისუფლების მოედანზე აქციის მონაწილეებმა შეკრება 18:00 საათისთვის დაიწყეს.
საპროტესტო აქციაზე დასასწრებად მოქალაქეები საქართველოს სხვადასხვა რეგიონიდან თბილისში ჩამოვიდნენ.
საპროტესტო აქციაზე პოლიტიკოსების გამოსვლამდე, "მთავარი არხის" გენერალურმა დირექტორმა ნიკა გვარამიამ მიხეილ სააკაშვილის მორიგი მიმართვა წაიკითხა.
მოქალაქეებს სიტყვით მიმართეს პოლიტიკოსებმა, მომღერლებმა და სხვადასხვა სფეროს წარმომადგენლებმა.
საპროტესტო აქცია ნიკა მელიას სიტყვით გამოსვლით დასრულდა.
საქართველოს მესამე პრეზიდენტი, მიხეილ სააკაშვილი 1-ელ ოქტომბერს დააკავეს. ის მეცამეტე დღეა შიმშილობს რუსთავის #12 პენიტენციურ დაწესებულებაში.
