შეერთებული შტატები გმობს საქართველოს, მოლდოვისა და უკრაინის ტერიტორიაზე ამ ქვეყნების ნებართვის გარეშე საარჩევნო უბნების მოწყობას. ამის შესახებ განცხადება აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა.
"აშშ სინანულრ გამოთქვამს რუსეთის რეპრესიულ ნაბიჯების გამო, რომლებმაც ძირი გამოუთხარა დუმის არჩევნების თავისუფლებას, სამართლიანობასა და სანდოობას. ჩვენ ვგმობთ საარჩევნო უბნების მოწყობას საქართველოს, მოლდოვისა და უკრაინის ტერიტორიაზე ამ ქვეყნების ნებართვის გარეშე.
შეგახსენებთ რომ რუსეთში პარლამენტის ქვედა პალატის არჩევნები 17, 18 და 19 სექტემბერს გაიმართა. რუსეთის ცესკოს მონაცემებით ხმების უმრავლესობა რუსეთის მმართველმა პარტიამ და მისმა კანდიდატებმა მიიღეს. ე.წ. საარჩევნო უბნები იყო გახსნილი ოკუპირებული ცხინვალის და აფხაზეთის რეგიონებში. ასევე ანექსირებულ ყირიმში", - წერს ნედ პრაისი.