"ქართული ოცნება" და მისი დამქაშები პასუხს აგებენ ყველა დანაშაულისთვის ქართველი ხალხის წინაშე", - ასე ეხმაურება "ევროპული საქართველოს" ლიდერი ლაშა დამენია ირაკლი ღარიბაშვილის განცხადებას
"სწორედ რომ ნულოვანი კომპრომისი იქნება და ამას საქართველოს მოსახლეობა 2 ოქტომბერს დაუმტკიცებს "ქართულ ოცნებას". ამ საზიზღრობისთვის, ამ უტიფრობისთვის, ამ სინდის-ნამუსგარეცხილობისთვის "ქართული ოცნება" და პირადად ირაკლი ღარიბაშვილი მიიღებს საკადრის პასუხს. ღარიბაშვილი დღეს ციხეში უნდა იჯდეს 5-6 ივლისის მოვლენების გამო, თუნდაც იმის გამო, რომ საქართველო აი ასეთ გამოუვალ მდგომარეობამდე, ხრამამდე მიიყვანა ქვეყანა", - განაცხადა დამენიამ.
ცნობისთვის, ირაკლი ღარიბაშვილმა განაცხადა, რომ არჩევნების დასრულების შემდეგ იქნება ნულოვანი კომპრომისი და ყველა ქვეყნის მოღალატესა და მტერს საკადრისი პასუხი გაეცემა.