"ქართული ოცნების" ლიდერების განცხადებები წინა ხელისუფლებაზე ადასტურებს იმას, რომ მათი მმართველობის პერიოდში ფაქტობრივად არაფერი არ გაკეთებულა", - ასე ეხმაურება "ევროპული საქართველოს" ლიდერი, ლაშა დამენია ირაკლი ღარიბაშვილის მიერ გაკეთებულ განცხადებას.
"ქართული ოცნება" 9 წლის განმავლობაში ხელისუფლებაში ყოფნის დროს კვლავ განცხადებას აკეთებს 18 წლის წინანდელ ხელისუფლებაზე, ეს იმის დამადასტურებელია, რომ “ქართულ ოცნებას” ამ 9 წლის განმავლობაში ფაქტობრივად არაფერი არ გაუკეთებია, არანაირი რეფორმა არ ჩატარებულა ქვეყნის წინსვლისთვის. ეს კიდევ ერთხელ ადასტურებს იმას, რომ ამ არჩევნებზე რაც შეიძლება მწარე მარცხი უნდა განიცადოს ხელისუფლებამ, რათა საქართველო კვლავ დაადგეს განვითარების გზას.“ - განაცხადა დამენიამ ჟურნალისტებთან საუბრისას
ცნობისთვის, ირაკლი ღარიბაშვილმა, რუსთავში „ქართული ოცნების“ მერის კანდიდატურის წარდგენის ცერემონიალზე, საკუთარ განცხადებაში კვლავ წინა ხელისუფლება გააკრიტიკა.
