„პრეზიდენტის პოზიცია არის სწორი", მიიჩნევს ლელოს წარმომადგენელი ანა ნაცვლიშვილი. მისი თქმით, რადგან სახელმწიფოს მეთაური თავისი კონსტრუქციული როლიდან გამომდინარე და შეთანხმების ხელმოწერის ბოლო ფაზაში ჩართული მხარე შეთანხმების შესრულებაზე პასუხისმგებლობას ატარებს.
"პრეზიდენტის გზავნილები სრულ თანხვედრაშია იმ პოზიციასთან, რომელიც მედიატორებსა და ნეიტრალურ მხარეებს აქვთ. პრეზიდენტს ჰქონდა ღია აქცენტები იმ საფრთხეებთან დაკავშირებით, რომელიც უკავშირდება „ქართული ოცნების“ მხრიდან საგარეო კურსის სერიოზული დარტყმის ქვეშ დაყენებას. შეიძლება, კრიტიკულად ვაფასებდეთ პრეზიდენტის მიერ აქამდე გადადგმულ ნაბიჯებს და შეიძლება, სამომავლოდ მისი პოზიციები იყოს შეფასებული კრიტიკულად, მაგრამ უკვე შემდგარი ფაქტია, რომ ამ შეთანხმებასთან დაკავშირებით პრეზიდენტმა დაიკავა ცალსახა და ცხადი პოზიცია.
უკვე შემდგარი ფაქტია, რომ ამ სახელმწიფოს მეთაურმა თავის საჯარო გამოსვლაში ღიად დააფიქსირა საგარეო კურსისთვის შექმნილი საფრთხეები, რომელსაც „ქართული ოცნების“ მიერ გატარებული პოლიტიკა ქმნის“, – განაცხადა ნაცვლიშვილმა.
