ორბელიანების სასახლეში საქართველოს პრეზიდენტის სალომე ზურაბიშვილის ბრიფინგი გაიმართება. ინფორმაციას პრეზიდენტის ადმინისტრაცია ავრცელებს.
ადმინისტრაციის ცნობით, ბრიფინგი 20:00 საათზე დაიწყება.
პრეზიდენტის ადმინისტრაცია არაფერს იტყობინება ბრიფინგის მთავარი თემის შესახებ, თუმცა სავარაუდოა, რომ პრეზიდენტი "ქართული ოცნების" მიერ 19 აპრილის შეთანხმების ანულირებასთან დაკავშირებით საკუთარ პოზიციას გააჟღერებს.
შეგახსენებთ, გუშინ, ორბელიანების სასახლეში საქართველოს პრეზიდენტი ხელისუფლებისა და ოპოზიციის წარმომადგენლებს შეხვდა.
რამდენიმე დღის წინ, 19 აპრილის შეთანხმების გაუქმებასთან დაკავშირებით, პრეზიდენტმა ზურაბიშვილმა საფრანგეთში არაფორმალური შეხვედრა გამართულ ევროპული საბჭოს პრეზიდენტ შარლ მიშელთან.
28 ივლისს "ქართულმა ოცნებამ" 19 აპრილის შეთანხმება ანულირებულად გამოაცხადა.
