"ნაციონალური მოძრაობა" მზადაა მიიღოს ყველაზე პრინციპული გადაწყვეტილებები, - აცხადებს "ერთიანი ნაციონალური მოძრაობის" ერთ-ერთი ლიდერი ხატია დეკანოიძე საგანგებო ბრიფინგზე, სადაც ის "ქართული ოცნების" მიერ 19 აპრილის შეთანხმების ანულირებას გამოეხმაურა.
დეკანოიძის განცხადებით, მმართველმა პარტიამ უტიფრად დაარღვია შეთანხმება, რითაც ქვეყნის ევროატლანტიკური ინტეგრაცია საფრთხის ქვეშ დააყენა.
"დღეს "ქართულმა ოცნებამ" ოფიციალურად განაცხადა და აღიარა, რომ ვერც პარტია "ქართული ოცნება", ვერც მისი გენერალური მდივანი კახა კალაძე ვერ უახლოვდებიან 43%-იან ზღვარს და რა თქმა უნდა, ისინი განწირულები არიან დამარცხებისთვის."ქართულმა ოცნებამ" უტიფრად დაარღვია შეთანხმება, რაც ნიშნავს იმას, რომ საქართველოს ევროატლანტიკური მონავალი და საქართველოს დემოკრატია, ასევე ქვეყანა ნატო-ში გაწევრიანება ძალიან დიდი საფრთხის ქვეშაა.
"ნაციონალური მოძრაობა", რა თქმა უნდა, მზადაა მიიღოს ყველაზე პრინციპული გადაწყვეტილებები, ხოლო საბოლოო გადაწყვეტილებას საერთაშორისო პარტნიორებთან კონსულტაციის შემდეგ გავახმოვანებთ", - განაცხადა ხატია დეკანოიძემ.