შრომითი ურთიერთობების ფარგლებში პერსონალური მონაცემების არაკანონიერი დამუშავებისთვის სახელმწიფო ინსპექტორის სამსახურმა რამდენიმე ორგანიზაციას ადმინისტრაციული პასუხისმგებლობა დააკისრა.

სახელმწიფო ინსპექტორის სამსახურისთვის შრომით ურთიერთიბებში პერსონალური მონაცემების დაცვა ერთ-ერთი პრიორიტეტული მიმართულებაა, ვინაიდან დაწესებულებები დასაქმებულების, დასაქმების მსურველი კანდიდატებისა და ყოფილი თანამშრომლების შესახებ დიდი მოცულობით პერსონალურ მონაცემებს ამუშავებენ.

სახელმწიფო ინსპექტორის სამსახურმა შრომითი ურთიერთობების ფარგლებში მონაცემთა დამუშავების კანონიერება რამდენიმე ორგანიზაციაში შეისწავლა და არაერთი დარღვევა გამოავლინა.

გიზიარებთ ინფორმაციას სახელმწიფო ინსპექტორის სამსახურის მიერ გამოვლენილი დარღვევებისა და ამ სფეროში არსებული გამოწვევების შესახებ.

აღნიშნული ინფორმაცია ერთი მხრივ დაეხმარება დამსაქმებელ ორგანიზაციებს შესაძლო დარღვევების პრევენციაში, მეორე მხრივ დასაქმებულებსა და დასაქმების მსურველ კანდიდატებს მათი უფლებების დაცვაში.