იძებნება საბოტაჟში მხილებული ოპოზიცია პარლამენტის შენობაში და ვერ ვპოულობთ, – ამის შესახებ იურიდიულ საკითხთა კომიტეტის თავმჯდომარემ ანრი ოხანაშვილმა პლენარულ სხდომაზე სიტყვით გამოსვლისას განაცხადა.
მისი თქმით, ისინი ევროსაბჭოს საპარლამენტო ასამბლეამ ჯერ კიდევ იანვრამხილა საბოტაჟში და მათ მოუწოდა, დაეკავებინათ პარლამენტში მათთვის განკუთვნილი ადგილები, თავი დაენებებინათ საპარლამენტო დემოკრატიისთვის ძირის გამოთხრისთვის,
„დიაგნოზი არის შემდეგი – იძებნება საბოტაჟში მხილებული ოპოზიცია პარლამენტის შენობაში და ვერ ვპოულობთ, ეს არის სამარცხვინო ფაქტი, ოპოზიცია, რომელიც მთელი ამდენი ხნის განმავლობაში სიცრუეში და ტყუილში აცხოვრებდა ჩვენ საზოგადოებას. ჩვენ უნდა ვუთხრათ როგორც ჩვენს, ასევე მათ ამომრჩევლებს, ბატონებო, იძებნებიან ოპოზიციური, რადიკალური ჯგუფები და ვერ ვპოულობთ პარლამენტის შენობაში. აი ეს არის დღევანდელი დღის შედეგი, ეს არის სრული ლუსტრაცია და კაპიტულაცია ოპოზიციური ჯგუფების მხრიდან, ვინაიდან მთელი 9 თვის განმავლობაში ეს ხალხი გაიძახოდა საჯარო დებატებზე. იქიდან, როდესაც ისინი საჯარო დებატებიდან გაიქცნენ, უკვე დღეს, როცა საგამოძიებო კომისიის დასკვნას ვიხილავთ, გასულია დაახლოებით 8-9 თვე. მთელი ამ პერიოდის განმავლობაში მათ ელემენტალური კონტრარგუმეტიც კი ვერ წარმოადგინეს, რომ იქნებ ბატონმა გივი მიქანაძემ რამე არასწორი ინფორმაცია ჩაწერა დასკვნის ტექსტში", - განაცხადა ანრი ოხანაშვილმა.
