რუსთაველის გამზირზე, პარლამენტთან, სადაც მთავრობის გადადგომის მოთხოვნით აქცია მიმდინარეობს, საავტომობილო გზა გადაიკეტა. "გადადგეს მკვლელი მთავრობა" - ამ სახელწოდებით საპროტესტო აქცია რუსთაველის გამზირზე იწყება. სამოქალაქო აქტივისტები პარლამენტის წინ სცენას ამონტაჟებენ.
აქციის ორგანიზატორების ინფორმაციით, მათ მოთხოვნებია: ირაკლი ღარიბაშვილის მთავრობის დაუყოვნებლივ გადადგომა; მომხდარის დამოუკიდებელი ექსპერტებით გამოძიება; ყველა იმ მოძალადის დაკავება და კანონის სრული სიმკაცრით დასჯა, რომლებიც ლექსო ლაშქარავას დაესხნენ თავს, ასევე, ძალადობრივი აქციის ორგანიზატორების პასუხისმგებლობაში მიცემას.
