„სამწუხაროდ, ყველა არ არის მიმართული იმისკენ, რომ ქვეყანაში არ იყოს დაპირისპირება", აცხადებს გარემოს დაცვისა და სოფლის მეურნეობის მინისტრი. ლევან დავითაშვილის განმარტებით, მისთვის მიუღებელია ნებისმიერი სახის ძალადობა, ნებისმიერი პირის მიმართ და მოძალადე პირების იდენტიფიცირება აუცილებლად უნდა მოხდეს.
"მიუღებელია ძალადობის ნებისმიერი ფორმის გამოხატვა, ნებისმიერი პირის მიმართ. განსაკუთრებით მიუღებელია ძალადობა მედიის წარმომადგენლების მიმართ.
უნდა მოხდეს მოძალადე პირების იდენტიფიცირება.
დიდი იმედი მაქვს, დღე ჩაივლის ისე, რომ პოლიციის ძალები შეძლებენ სიტუაციის კონტროლს. მთავრობას, რა თქმა უნდა, აქვს ინფორმაცია, რაც ხდება. შინაგან საქმეთა მინისტრს აქვს კონკრეტული გამოწვევები, ის სრულად არის ჩართული, რომ პროცესის დეესკალაცია მოხდეს",- განაცხადა დავითაშვილმა.
