შეერთებული შტატების პრეზიდენტმა, ჯო ბაიდენმა უკრაინის პრეზიდენტი ვოლოდიმირ ზელენსკი ვაშინგტონში მიიწვია. ამის შესახებ აშშ-ის პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა.
სალივანის განცხადებით, ჯო ბაიდენი ტელეფონით ესაუბრა ზელენსკის, რა დროსაც იგი თეთრ სახლში მიიწვია.
შეერთებული შტატების პრეზიდენტის მრჩეველმა აღნიშნა, რომ ბაიდენსა და ზელენსკის ჰქონდათ შესაძლებლობა, საფუძვლიანი საუბარი ჰქონოდათ შეერთებულ შტატებსა და უკრაინას შორის ურთიერთობების ყველა საკითხზე.
სალივანის თქმით, პრეზიდენტმა ბაიდენმა ზელენსკის განუცხადა, რომ იგი მტკიცედ დაიცავს უკრაინის სუვერენიტეტს და ტერიტორიულ მთლიანობას.
პრეზიდენტების შეხვედრა ვაშინგტონში ამ ზაფხულს, ჯო ბაიდენის ევროპიდან დაბრუნების შემდეგ გაიმართება.
