პარტია "ქართული ოცნება - დემოკრატიული საქართველო" ეხმიანება "ნაციონალური მოძრაობის" გადაწყვეტილებას პარლამენტში შესვლის შესახებ.
"რადიკალურმა ნაციონალურმა მოძრაობამ, რომელმაც ფაქტობრივად აღიარა მათი დამანგრეველი პოლიტიკური დღის წესრიგის დამარცხება, იკავებს ადგილებს საქართველოს პარლამენტში. ამასთან, ნაციონალური მოძრაობა უარს ამბობს ევროკავშირის შუამავლობით განხორციელებული პოლიტიკური შეთანხმების ხელმოწერაზე, რაც პოლიტიკური კრიზისის დასრულების საფუძველია", - ნათქვამია განცხადებაში, რომელიც პარტიის "ტვიტერის" გვერდზე ვრცელდება.
ცოტა ხნის წინ, "ნაციონალური მოძრაობის" თავმჯდომარემ, ნიკა მელიამ განაცხადა, რომ პარტია პარლამენტში შედის, თუმცა ხელს არ აწერს შარლ მიშელის დოკუმენტს.
