„ჩემი იმედია, სურვილია, რომ „ნაცმოძრაობა“ შემოვა პარლამენტში და პარლამენტის კედლებში ყველა ერთად გავაგრძელებთ მუშაობას, იმისთვის, რომ მოვემზადოთ არჩევნებისთვის და შევეცადოთ მაქსიმალური წვლილი შევიტანოთ ქვეყნის კრიზისიდან გამოყვანის საქმეში", აცხადებს "ლელოს" ლიდერი ბადრი ჯაფარიძე.
მისივე განმარტებით, იმისთვის, რომ ოპოზიციურმა ფლანგმა გაიმარჯვოს და „ქართულმა ოცნებამ“ ვერ შეძლოს იმ ზღვარამდე მისვლა, რომელიც თვითმმართველობის არჩევნებში დაწესებულია შარლ მიშელის დოკუმენტის მიხედვით, ამისთვის აუცილებელია, რომ ყველა ოპოზიციურმა პარტიამ მაქსიმალურად შეძლოს არჩევნებზე თავისი ამომრჩევლის მოყვანა, გააფართოოს თავისი ამომრჩევლების ბაზა და კოორდინაცია განახორციელოს იქ, სადაც შესაძლებელია.
"მაგალითად, ეს არის მაჟორიტარი დეპუტატების თემა, სადაც პირდაპირ იკვეთება კოორდინაციის საჭიროება. დანარჩენ ნაწილში მნიშვნელოვანია ჩვენ ამომრჩეველში აღრევა არ გამოვიწვიოთ და თითოეულ პარტიას მკაფიოდ ჰქონდეს არჩევნების დროს იდენტობა განსაზღვრული. „ლელო“ მოქმედებს თავისი სამოქმედო გეგმიდან გამომდინარე“, - განაცხადა ჯაფარიძემ.