ევროპული საბჭოს პრეზიდენტი შარლ მიშელი პარლამენტში მივიდა.
ის საკანონმდებლო ორგანოში ოპოზიციისა და ხელისუფლების წარმომადგენლებთან ერთად მოლაპარაკებას გამართავს.
ეს იქნება მიშელის ვიზიტის ფარგლებში ბოლო სამუშაო შეხვედრა.
პარლამენტის თავმჯდომარის, არჩილ თალაკვაძისა და მმართველი პარტიის წევრების გარდა, შეხვედრაზე იმყოფებიან „გირჩი – მეტი თავისუფლების“ წარმომადგენელი ზურაბ ჯაფარიძე, „ლელო საქართველოსთვის“ ლიდერები – მამუკა ხაზარაძე და ბადრი ჯაფარიძე, „სტრატეგია აღმაშენებლის“ წარმომადგენელი გიორგი ვაშაძე, „გირჩის“ წევრი ვახტანგ მეგრელიშვილი, ასევე დავით ბაქრაძე, არმაზ ახვლედიანი, სალომე სამადაშვილი, ხათუნა სამნიძე, დავით ზილფიმიანი.
შეხვედრას ესწრებიან საქართველოში აშშ-ის ელჩი კელი დეგნანი და ევროკავშირის ელჩი კარლ ჰარცელი.