ის ადგილი და ის უფლებები, რაც დღეს უკვე ოპოზიციას ენიჭება საქართველოს პარლამენტში, ნამდვილად ნიშნავს, რომ საქართველოს პარლამენტი დგას სხვა ევროპულ ქვეყნებთან უმაღლეს დონეზე. ამის შესახებ სალომე ზურაბიშვილმა ევროპული საბჭოს პრეზიდენტთან, შარლ მიშელთან ერთობლივ პრესკონფერენციაზე შემდეგ განაცხადა.
პრეზიდენტის განცხადებით, შეთანხმებამ უკვე მოიტანა შედეგები და ეს არის პრეზიდენტისა და პარლამენტის ინსტიტუტების გაძლიერება.
"დღევანდელი დღიდან უკვე არის მრავალპარტიული პარლამენტი, რომელსაც შეუძლია, იყოს არა ადგილი დაპირისპირების და ერთმანეთის სიძულვილის, ლანძღვის, არამედ ადგილი, სადაც მთავარი გამოწვევები, საკითხები იყოს გადალახული და ჩვენ მართლაც წინსვლით გამოვირჩეოდეთ და არა უკუსვლით. ის ადგილი და ის უფლებები, რაც დღეს უკვე ოპოზიციას ენიჭება საქართველოს პარლამენტში, ნამდვილად ნიშნავს, რომ საქართველოს პარლამენტი დგას სხვა ევროპულ ქვეყნებთან უმაღლეს დონეზე. რადგან ბევრი ქვეყანა არის, სადაც ასეთი უფლებები ნამდვილად არ მიენიჭება ოპოზიციას და გახდა ქმედითუნარიანი. ყველანი ველოდებით, რომ ვნახოთ ეს შედეგები. ასევე გაძლიერდა პრეზიდენტის ინსტიტუცია, რომელიც უნდა იყოს ქვეყნის შემწყნარებლობის, სტაბილურობის და სახელმწიფოს სახე საზღვარგარეთ, საერთაშორისო სივრცეში", - განაცხადა ზურაბიშვილმა.