მე მგონი, დღეს შემიძლია ვთქვა, რომ სიტყვების დრო დასრულდა, დაიწყო საქმის დრო, - ამის შესახებ სალომე ზურაბიშვილმა ევროპული საბჭოს პრეზიდენტთან, შარლ მიშელთან შეხვედრის შემდეგ განაცხადა.
პრეზიდენტმა მადლობა გადაუხადა შარლ მიშელს მედიაციის პროცესის წარმართვისთვის.
ამასთან, სალომე ზურაბიშვილი გამოვიდა ინიციატივით, ბათუმში დაგეგმილი ყოველწლიური კონფერენციამ ასოცირების სამიტის სახე მიიღო და მასში ევროკავშირთან და საქართველოსთან ერთად, მონაწილეობა მიიღონ მოლდოვისა და უკრაინის პრეზიდენტებმა.
"ძალიან მნიშვნელოვანია, რომ ასოცირებამ მიიღოს სრულყოფილი სახე უკრაინასთან, მოლდოვასთან ერთად. შევთავაზე პრეზიდენტს, რომ ივლისში, როცა ტარდება ბათუმის უკვე ცნობილი კონფერენცია ევროკავშირთან, ეს კონფერენცია გადაიქცეს ასოცირების სამიტად და ევროკავშირთან ერთად დავპატიჟოთ უკრაინის, ასევე მოლდოვის პრეზიდენტი და ვიმსჯელოთ, თუ რა ფორმა შეიძლება, მიიღოს ამ ასოცირებამ, ფორმატმა, რომელიც გვაკავშირებს ამ სამ ქვეყანას და ევროკავშირს, რასაც აქვს ძალიან დიდი მომავალი, – განაცხადა სალომე ზურაბიშვილმა.
