გიორგი ვაშაძეს მე პრემიერობა შევთავაზე, მან ელისაშვილის გვერდით დგომა აირჩია, ეს უკვე მისი პრობლემაა. აცხადებს პარტია "კანონი და სამართლის" დამფუძნებელი, თაკო ჩარკვიანი, რომელიც გიორგი ვაშაძეს შარლ მიშელის შეთანხმებაზე ხელმოწერის გამო აკრიტიკებს.
ჩარკვიანის განცხადებით, მას გული წყდება, რომ გიორგი ვაშაძე, რომელზეც ძალიან დიდი იმედებს ამყარებდა, დღეს აღმოჩნდა ვახო მეგრელიშვილის და ალეკო ელისაშვილის გვერდით.
"მე გული მწყდება, რომ ჩემი გიორგი ვაშაძე, რომელზეც ძალიან დიდ იმედებს ვამყარებდი, დღეს აღმოჩნდა ვახო მეგრელიშვილისა და ალეკო ელისაშვილის გვერდით იმ დოკუმენტზე ხელის მომწერი, რომელიც იმ საარჩევნო სისტემას, რომელზეც მე და გიორგი ვაშაძეს არაერთხელ გვისაუბრია, ეს ის დოკუმენტი არ არის... მე მას პრემიერობა შევთავაზე, მან ელისაშვილის გვერდით დგომა აირჩია. ეს უკვე მისი პრობლემაა", - განაცხადა ჩარკვიანმა.