გუშინ სპეცოპერაცია განხორციელდა რუსი ოლიგარქის, ბიძინა ივანიშვილი გადასარჩენად, რომელსაც კელი დეგნანი ხელმძღვანელობდა - ამის შესახებ „ლეიბორისტული პარტიის“ ლიდერმა, შალვა ნათელაშვილმა განაცხადა.
ნათელაშვილმა მოუწოდა შეერთებული შტატების ახალ ადმინისტრაციას, "დროზე გაწმინდოს, ამერიკული დიპლომატია და სახელმწიფო დეპარტამენტი პროტრამპისტული ელემენტებისაგან".
"ამერიკის შეერთებული შტატების ახალ ადმინისტრაციას, პრეზიდენტ ბაიდენს მოვუწოდებ, დროზე გაწმინდე, ამერიკული დიპლომატია და სახელმწიფო დეპარტამენტი პროტრამპისტული ელემენტებისაგან. ტრამპიზმი ნიშნავს პროპუტინიზმს. გუშინ რაც განხორციელდა თბილისში და განხორციელდა ამერიკის ელჩის თამადობით, ზუსტად ისაა, რასაც რუსეთის დაზვერვის შეფი ნარიშკინი წერდა. დაწერა ნარიშკინმა, განახორციელა კელი დეგნანმა. ჩვენი თავი, რომელიც ზოგჯერ არ გვაბია მხრებზე, ჩვენი თავი უნდა გავამტყუნოთ. საზოგადოება, რომელიც დაუშვებს იმას, რომ პარლამენტში აირჩევს ბანკირებს, ნარკომანებს, პედოფილიისკენ მიდრეკილებს, უშიშროების ოფიცრებს, უარესის ღირსია და ჩვენ ან გამოვალთ კუჭის და ჯიბის ტყვეობიდან და გავიხედავთ მომავალში ან საქართველო არ იქნება. პარლამენტში შესვლაზე ჩვენ ხელს არ მოვაწერთ, თუ არ ჩატარდა ახალი არჩევნები და ობიექტური პროცედურების გზით არ შევედით პარლამენტში, რადგან ჩვენ განცხადებები გვაქვს დაწერილი, მთელ ოპოზიციურ სპექტრს პარლამენტის დატოვებაზე. მაშინ გამოდის, რომ თუ პარლამენტში შევდივართ, ჩვენ ვფარისევლობდით, საზოგადოებას ვატყუებდით, რომ ვითომ არ გვინდა პარლამენტში შესვლა, სინამდვილეში, გვინდა", - განაცხადა ნათელაშვილმა.