კახა კალაძეს არაფერი სჭირს საიმისო, რომ ვინმეს გუნდში ვიხილოთ - ასე უპასუხა თბილისის მერმა, კახა კალაძემ მედიის მიერ დასმულ შეკითხვას, რომელიც ყოფილი პრემიერ-მინისტრის, გიორგი გახარიას გუნდთან შესაძლო გაერთიანებას შეეხებოდა.
მისივე თქმით, ნაადრევია საუბარი მერობის კანდიდატებზე და მმართველი პარტია ყველა მათგანს, ასევე საკრებულოს წევრობის კანდიდატებს არჩევნებამდე 1 - 1,5 თვით ადრე დაასახელებს.
"კახი კალაძეს არაფერი სჭირს, რომ ვინმეს გუნდში ვიხილოთ. საამისო არაფერი სჭირს კახი კალაძეს. რაც შეეხება მერობას, რამდენიმე დღის წინ, როდესაც გვქონდა შეხვედრა, ამასთან დაკავშირებით ვისაუბრე და ვრცლად გავაკეთე განცხადებები. ჯერ ადრეა საუბარი იმაზე, ვინ უნდა იყვნენ მერობის კანდიდატები მთელი ქვეყნის მაშტაბით, როდესაც ამის დრო მოვა, პირობას გაძლევთ, პირველი გაიგებთ ჩემგან და პარტიის თავმჯდომარისგან, ვინ იქნებიან მერობის კანდიდატები და ასევე საკრებულოს მიმართულებით, მთელი ქვეყნის მაშტაბით", - განაცხადა კალაძემ.