გავლენიანი ამერიკული გამოცემა Forbes-ის ინფორმაციით, 2020 წელს მსოფლიოს მილიარდერების ქონება 1,9 ტრილიონი დოლარით გაიზარდა.
11 დეკემბრის მონაცემებით, მსოფლიოს უმდიდრესი ადამიანების ქონება $ 11,4 ტრილიონ დოლარადაა შეფასებული, რაც 20% -ით მეტია, გასული წლის არსებულ ქონებასთან მიმართებაში.
როგორც გამოცემა წერს, ეს იყო იზოლაციის, პანდემიის, პოლიტიკური არეულობის წელი, თუმცა მიუხედავად ამისა მილიარდელების ქონებამ წარმოუდგენელ ზრდას მიაღწია.
გამოცემის გამოთვლებით, 2020 წელს ყველაზე მეტად გაიზარდა 400 ჩინელი მილიარდერის საერთო ქონება, ვიდრე სხვა მილიარდელებისა, რაც დაახლოებით 60%-იანი ზრდაა წლის განმავლობაში.
ასევე მნიშვნელოვნად გაიზარდა 600 ამერიკელი მილიარდერის ქონება. საუბარია 560 მილიარდი დოლარით ზრდაზე და შესაბამისად მათი ქონების საერთო ღირებულებამ 4 ტრილიონს მიაღწია.
აღსანიშნავია, რომ SpaceX და Tesla კომპანიების ხელმძღვანელის ელონ მასკის ქონება 110 მილიარდი დოლარით გაიზარდა და თითქმის 137 მილიარდ დოლარს მიაღწია. ის ყველაზე მდიდარი ადამიანებია რეიტინგში უკვე მე -3 ადგილზეა.
40 ფრანგი მილიარდერის ქონება 95 მილიარდი დოლარით გაიზარდა და 500 მილიარდი დოლარი შეადგინა. Forbes აღნიშნავს, რომ ფრანგი მილიარდერების ქონების ზრდის ნახევარზე მეტი ლუი ვიტონის მფლობელ ბერნარ არნოსა და L'Oreal- ის მფლობელ ფრანსუაზა ბეტანკურზე მოდის.
