გერმანიის კანცლერის ანგელა მერკელის განცხადებით, ქვეყანა ნორმალურ ცხოვრებას დიდი ალბათობით 2021 წლის შემოდგომაზე დაუბრუნდება.
"თუ ვაქცინაციის პროცესი წარმატებით ჩაივლის, დიდი ალბათობით 2021 წლის შემოდგომის სემესტრისთვის ნორმალურ ცხოვრებას დავუბრუნდებით, თუმცა ზამთარი მაინც რთული იქნება", - განაცხადა მერკელმა სტუდენტებთან შეხვედრისას.
2021 წლის შემოდგომის სემესტრის დაწყება გერმანიაში 1 ოქტომბერს არის დაგეგმილი.
მანამდე გერმანიის ჯანდაცვის ფედერალურმა მინისტრმა განაცხადა, რომ 2021 წლის ზაფხულისთვის მოქალაქეთა 60%-ის ვაქცინაციაა ნავარაუდევი. ეპიდემიოლოგები თვლიან, რომ მოსახლეობის 60%-70%-ის ვაქცინაცია უკვე მნიშნვნელოვან ბარიერს შექმნის კორონავირუსის უკონტროლო გავრცელების შესაკავებლად.
