გაერო-ს გენერალური მდივანი ანტონიო გუტერეში მოუწოდებს ყველა ქვეყანას, რომ გამოაცხადონ საგანგებო კლიმატური მდგომარეობა. ამის შესახებ გუტერეშმა ვირტუალურ სამიტზე განაცხადა, რომელიც პარიზის შეთანხმების ხელმოწერის მე-5 წლისთავს მიეძღვნა.
გუტერეშმა თქვა, რომ 38 ქვეყანამ უკვე გამოაცხადა კლიმატის საგანგებო მდგომარეობა და მოუწოდა მსოფლიოს ლიდერებს იგივე გააკეთონ.
მისი თქმით, საგანგებო სიტუაცია მხოლოდ მაშინ უნდა დასრულდეს, როდესაც ნახშირბადის ნეიტრალიტეტი მიიღწევა.
ნახშირბადის ნეიტრალიტეტი ნიშნავს ნახშირბადის გამოყოფასა და ნახშირბადის შთანთქმას შორის ნახშირბადის ნიჟარებში ბალანსის დაცვას. ნახშირბადის ოქსიდის ამოღება და შემდეგ მისი შენახვა ცნობილია როგორც ნახშირბადის წართმევა. წმინდა ნულოვანი ემისიის მისაღწევად, მთელ მსოფლიოში სათბური გაზების ემისიები უნდა გათანაბრდეს ნახშირბადის ჩამორთმევით.
ნახშირბადის ნიჟარა არის ნებისმიერი სისტემა, რომელიც შთანთქავს უფრო მეტ ნახშირბადს, ვიდრე გამოყოფს. ნახშირბადის ძირითადი ბუნებრივი ნიჟარებია ნიადაგი, ტყეები და ოკეანეები.
დღეისათვის ვერცერთი ხელოვნური ნახშირბადის ნიჟარა ვერ შეძლებს ნახშირბადის ამოღებას ატმოსფეროდან საჭირო მასშტაბით გლობალური დათბობის წინააღმდეგ საბრძოლველად.
ნახშირბადი, რომელიც ბუნებრივ ნიჟარებში, მაგალითად ტყეებშია შენახული, ატმოსფეროში ტყის ხანძრების, მიწის გამოყენების ცვლილების ან ჭრის შედეგად გამოიყოფა. ამიტომ აუცილებელია ნახშირბადის გამონაბოლქვის შემცირება კლიმატის ნეიტრალიტეტის მისაღწევად
გაერო-ს, საფრანგეთისა და დიდი ბრიტანეთის მიერ დაორგანიზებულ ვირტუალურ სამიტზე დაგეგმილია მსოფლიოს 70 ქვეყნის ლიდერის სიტყვით გამოსვლა. სამიტში მონაწილეობას არ მიიღებს შეერთებული შტატები, რომელმაც დატოვა პარიზის შეთანხმება.
შეერთებული შტატების არჩეულმა პრეზიდენტმა, ჯო ბაიდენმა განაცხადა, რომ მისი პრეზიდენტობისას პრიორიტეტული იქნება კლიმატის საკითხები და ამერიკისთვის ნახშირბადის ნეიტრალიტეტის მიღწევა 2050 წლისთვის გამოაცხადა. მისივე თქმით, ამერიკა დაუბრუნდება პარიზის კლიმატის შეთანხმებას.
ევროკავშირის განცხადებით, 2030 წლისთვის მიზნად დასახულია ნახშირბადის 55%-იანი შემცირება. ჩინეთმა პირობა დადო, რომ ნახშირბადის მაქსიმალურ ემისიას 2030 წლამდე მიღწევს, ნახშირბადის ნეიტრალიტეტის მიღწევას კი 2060 წლისთვის შეძლებს.
პარიზის კლიმატის შეთანხმება 2015 წლის 12 დეკემბერს, კლიმატის ცვლილების შესახებ გაეროს ჩარჩო კონვენციის 21-ე სესიაზე გაფორმდა.
პარიზის კლიმატის შეთანხმების მთავარი მიზანი გლობალური კლიმატის ცვლილების დარეგულირება და პლანეტის საშუალო წლიური ტემპერატურის 2°C-ზე დაბლა შენარჩუნებაა.
ფოტო: AFP
