ცნობილი სამხრეთკორეელი რეჟისორი კიმ კი დუკი კორონავირუსით გამოწვეული ჯანმრთელობის მდგომარეობის გართულებების გამო გარდაიცვალა.
რეჟისორი ლატვიაში, რიგის საავადმყოფოში მკურნალობდა.
კიმ კი დუკმა 2012 წელს ვენეციის კინოფესტივალზე ფილმისთვის "პიეტა" ოქროს ლომი მოიპოვა. დუკი არის ლოკარნოს საერთაშორისო კინოფესტივალის ოთხი პრემიის ლაურეატი, ვენეციის საერთაშორისო კინოფესტივალის ოთხი ჯილდოს მფლობელი, კარლოვი ვარის საერთაშორისო კინოფესტივალის სამი ჯილდოს მფლობელი.
მან ასევე მოიპოვა ვერცხლის დათვი ბერლინის საერთაშორისო კინოფესტივალზე.
ცნობილია მისი ფილმები "სამარიტელი ქალი", "გაზაფხული, ზაფხული, შემოდგომა, ზამთარი... კვლავ გაზაფხული", "ცუდი ბიჭი".
