ამერიკულმა გამოცემა Time-მა დეკემბრის ნომრის გარეკანზე გამოაქვეყნა წარწერა - 2020 - ყველაზე ცუდი წელი.
"ამერიკის ისტორიაში ნამდვილად ყოფილა უარესი წლები, ისევე როგორც მსოფლიო ისტორიაში, მაგრამ ჩვენს უმეტესობას, ვინც ახლა ვცხოვრობთ, მსგავსი არაფერი გვინახავს.
თქვენ ახლა 100 წლის უნდა იყოთ იმისთვის, რომ გახსოვდეთ პირველი მსოფლიო ომის საშინელება და 1918 წლის ესპანური გრიპის პანდემია. დაახლოებით 90 წლის უნდა იყოთ, რომ გახსოვდეთ დიდი დეპრესიის დროინდელი ეკონომიკური სიდუხჭირის განცდა და 80 წლის უნდა იყოთ იმისათვის, რათა გახსოვდეთ მეორე მსოფლიო ომის საშინელება.
თუმცა დანარჩენებს არ გვქონია შესაძლებლობა ამისთვის მოვმზადებულიყავით - ბუნებრივი კატასტროფები, რაც იმას ადასტურებს თუ რამდენად ვუღალატეთ ბუნებას, არჩევნები, რომლის შედეგებს მხოლოდ ფანტაზიის საფუძველზე ასაჩივრებენ და ვირუსი, რომელიც შესაძლოა ღამურამ გაავრცელა და პლანეტაზე პრატიკულად ყველას სიცოცხლეს საფრთხე შეუქმნა, დაახლოებით 1.5 მლნ ადამიანის სიცოცხლე კი შეიწირა", - წერს გამოცემა instagram-ზე გამოქვეყნებულ გარეკანის აღწერაში.
