ირანის პრეზიდენტმა ჰასან როჰანმა კმაყოფილება გამოთქვა აშშ-ის პრეზიდენტის დონალდ ტრამპის დამარცხების გამო, 3 ნოემბრის საპრეზიდენტო არჩევნებში და განაცხადა "მადლობა ღმერთს, რომ ამერიკელებმა და მსოფლიომ ტრამპი მოიშორეს". ინფორმაციას ირანული გამოცემა ავრცელებს.
როჰანის თქმით, ტრამპმა ყველაფერი იღონა, რომ საერთაშორისო სავალუტო ფონდის 5-მილიარდიანმა სესხმა ირანამდე ვერ მიაღწია, რომელიც კორონავირუსთან ბრძოლას უნდა მოხმარებოდა.
ირანის პრეზიდენტმა ასევე აღნიშნა, რომ თუ ჯო ბაიდენი ირანის წინააღმდეგ ტრამპის მიერ დაწესებულ სანქციებს გააუქმებს, ირანი და ბირთვული შეთანხმების სხვა მხარეები დონალდ ტრამპის პრეზიდენტობამდე არსებულ პირობებს დაუბრუნდებიან.