იმ პერიოდის რუკები ადასტურებს, რომ დავით გარეჯის ტერიტორია იყო, არის და უნდა იყოს ჩვენს ტერიტორიაზე.ამის შესახებ თავდაცვის მინისტრმა, ირაკლი ღარიბაშვილმა ტელეკომპანია "იმედის" გადაცემაში "ნამდვილი რიცხვები" ისაუბრა.
ღარიბაშვილის განცხადებით, დავით ხიდაშელის, რომელმაც რუკები გადასცა საქართველოს, ქმედება გმირობის ტოლფასია.
"შვეიცარიაში მოღვაწე ქართველ პატრიოტ კაცს, ბატონ დავით ხიდაშელს აქვს კარტოგრაფიული კომპანია, 20 წელია როგორც ჰობი უკვე ასეა დაკავებული. ბატონი დავითი ძალიან შეძლებული ადამიანი, გამორჩეული პატრიოტი, ქართველი ბიზნესმენია, რომელმაც ბატონი ბიძინას ეს დავალება, დაკვეთა ძალიან დიდი სიხარულით მიიღო. ჩვენ შევხვდით მის წარმომადგენელს, შევახვედრე ბატონი ნოდარ ხორბალაძე, დაიწყო მუშაობა. ეს ხდება 2019 წლის შემოდგომაზე. სულ რაღაც რამდენიმე თვეში, 3 აპრილს კონკრეტულად, ჩვენ ჩამოგვდის რუსეთის არქივიდან, ოკუპანტი ქვეყნიდან წამოღებული ორიგინალი რუკები. ვფიქრობ, ნებისმიერ ნორმალურ სახელმწიფოში ასეთი სპეცოპერაციის დამგეგმავი ინიციატორი და შემსრულებლებლები მინიმუმ მადლობას იმსახურებენ. ჩემთვის ბატონი დავითის ქმედება გმირობის ტოლფასია და მადლობა ეკუთვნის ამ ადამიანს იმ დიდი პატრიოტული საქმისთვის, რაც მან გააკეთა", - აღნიშნა ირაკლი ღარიბაშილმა.
მინისტრის თქმით, რუსეთის გარდა, დავით ხიდაშელმა საქართველოში ჩამოიტანა და ქართულ მხარეს გადასცა სხვა რუკებიც და ლიტერატურა, რომელიც რეალურად მთელს სახელმწიფო საზღვრებს ეხება.