სად მიყვებით ივანიშვილს ან რის ფასად? ან ვის მიყავხართ თან სადმე თქვენ და თქვენი მტირალა მინისტრი ასე უტიფრად და წინგაუხედავად რო აბარებთ ხალხს ციხეს და ქვეყანას მტრებს?! მარადიულია ივანიშვილი და გამოეკერება ჭორვილას? თუ კირიონის იმედად ხართ, რომ ის "შეუნდობს" თქვენს სულს?, - წერს საქართველოს საგარეო საქმეთა მინისტრის ყოფილი მოადგილე ნინო კალანდაძე სოციალურ ქსელ ფეისბუქში კარტოგრაფების საქმესთან დაკავშირებით.
"რა მაინტერესებს და დარსალიამ სალომე ზურაბიშვილის განცხადებები წარუდგინა "უცხოელ ექსპერტებს" როცა ზიანის მასშტაბებს ადგენდნენ? და აქამდე სად იყო მისი, როგორც კომისიის მოქმედი თავმჯდომარის, ბრიფინგი იმის თაობაზე, რომ თურმე კომისიის საქმიანობას აფერხებდა გარკვეული დოკუმენტაციის არარსებობა რომელიც "სხვა უწყებების საქმეა"?! და კონკრეტულად რა დოკუმენტებზეა საუბარი ბატონო კომისიის თავმჯდომარევ, გუგლში რომ იძებნება იმ რუკების თუ იმის, 2019 წელს აზერბაიჯანს რომ წარუდგინეთ და იმათ გორგალად დახვეული უკან გამოგატანეს? და 2019 დან თუ უკვე თავად კომისიის თავმჯდომარეს ხელი მიგიწვდებოდათ ამ "მიუწვდომელ" დოკუმენტაციაზე, რამ შეგიშალათ ხელი რომ გამოგეცვალათ ეს "მოღალატე" მელაშვილი და სხვა დაგენიშნათ საქმის მწარმოებლად, ვინც თქვენეულ სახელმწიფო ინტერესს გაატარებდა?! 14 ოქტომბერს რატომ ელოდებოდით, ვიდრე პროკურატურისთვის ბრმად მინდობილი საქმე ისე არ აფეთქდა რომ თქვენით უნდა შეიკეროს ახლა საქმე?! საერთოდ რას აკეთებთ მაგ კომისიაში, თუ მიწების გაყიდვას ათანხმებს ამდენი ხანია ეს კომისია, რომელსაც წლებია თავმჯდომარეობთ?!
სად მიყვებით ივანიშვილს ან რის ფასად? ან ვის მიყავხართ თან სადმე თქვენ და თქვენი მტირალა მინისტრი ასე უტიფრად და წინგაუხედავად რო აბარებთ ხალხს ციხეს და ქვეყანას მტრებს?! მარადიულია ივანიშვილი და გამოეკერება ჭორვილას? თუ კირიონის იმედად ხართ, რომ ის "შეუნდობს" თქვენს სულს?", - წერს კალანდაძე.