ევროპული საქართველოს გურიის მაჟორიტარობის კანდიდატი, ხათუნა გოგორიშვილი, დავით გარეჯის საქმეზე ივერი მელაშვილისა და ნატალია ილიჩევას პატიმრობაში დატოვებას ეხმაურება.
გოგორიშვილის თქმით, ოცნების ხელისუფლება ყოველი არჩევნების წინ უბინძურეს პიარ ტრიუკებს აწყობს.
გოგორიშვილის თქმით, იმის გამო, რომ ჩაფლავებული რეიტინგი ოდნავ გაზარდონ, ხელისუფლებამ საკუთარ თავს აჯობა და უდანაშაულო ადამიანები ყველაზე საშინელი, სამშობლოს ღალატის ბრალდებით დააპატიმრა.
"სოლიდარობა ივერი მელაშვილს! სოლიდარობა ნატალია ილიჩევას!
8 წლის განმავლობაში ადამიანის ბედზე ერთი წუთითაც რომ არ გიფიქრიათ, საქართველოში ყველამ იცის. ყველა არჩევნების წინ უბინძურეს პიარ ტრიუკებს რომ გამოაგდებთ - ესეც აღარავის უკვირს; ხან ჰაკიმ ფაშას სახელით ტვირთავთ ფოტოებს, ხან პირადი ცხოვრების ამსახველი კადრები „გეპარებათ“ ინტერნეტ-სივრცეში!
დღეს საკუთარ თავსაც აჯობეთ! იმისთვის რომ თქვენი ჩაფლავებული რეიტინგი ოდნავ ამოქაჩოთ, ხალხს დაანახოთ რა „პრინციპულები“ ხართ, უდანაშაულო ადამიანები ყველაზე საშინელი, სამშობლოს ღალატის ბრალდებით დააპატიმრეთ!
გასაგებია, რომ თქვენთვის, ვინც 8 წელია ხმას არ იღებთ მცოცავ ოკუპაციაზე, ვინც ხან პირდაპირ და ხანაც ირიბად ომის დაწყებას საქართველოს აბრალებთ - მოღალატე ჩვეულებრივზე ჩვეულებრივი სიტყვაა. იგივეა რაც უნიათო, უსაქმური, არაკომპეტენტური. მაგრამ მინდა დაგარწმუნოთ, რომ საქართველოში ყველა ქოცი არაა!!!
საქართველოს მოქალაქეების უმეტესობა არის ქვეყნის პატრიოტი; აქვთ სინდისი და თავმოყვარეობა და მოღალატეობის დაბრალებას სიკვდილი ურჩევნიათ! ოცნებას სძულს ადამიანი!" - აცხადებს გოგორიშვილი
