ევროპული საქართველოს ლიდერის, დავით ბაქრაძის თქმით, ევროპული საქართველოს იღებს პოლიტიკურ ვალდებულებას, რომ არ შეუქმნის კოალიციას ბიძინა ივანიშვილსა და ქართულ ოცნებას და ამავდროულად არ დაუჭერს მიხეილ სააკაშვილს მხარს პრემიერის თანამდებობაზე.
დავით ბაქრაძის თქმით, ქართულმა ოცნებამ ქვეყანა შეიყვანა უმძიმეს ეკონომიკურ კრიზისში და მისი მმართველობა მშვიდობიანად უნდა დასრულდეს, ხოლო როგორც ბაქრაძე აღნიშნავს, ისინი მხარს არ დაუჭერენ სააკაშვილს, რადგან უნდა დასრულდეს ქვეყანაში ერთპიროვნული და ერთპარტიული მმართველობა
ამავდროულად, დავით ბაქრაძემ აღნიშნა, რომ ამ პოლიტიკურ ვალდებულებასთან ერთად ევროპული საქართველო იღებს სხვადასხვა რეფორმის შესრულების ვადლებულებას, რომელიც გაწერილია პარტიის ვალდებულებათა ბარათში და „ხელშეკრულებაში ხალხთან“.
„ევროპული საქართველო“ იღებს ვალდებულებას, რომ არ შეუქმნის კოალიციას ბიძინა ივანიშვილს და „ქართულ ოცნებას“, ვინაიდან ეს გუნდი, რომელმაც ქვეყანა შეიყვანა უმძიმეს ეკონომიკურ კრიზისში მშვიდობიანად და პოლიტიკურად უნდა დასრულდეს ამ არჩევნებზე. მეორე - არ დავუჭერთ მხარს მიხეილ სააკაშვილს პრემიერის თანამდებობაზე, ვინაიდან მიგვაჩნია და დარწმუნებული ვართ, რომ ერთპიროვნული და ერთპარტიული მმართველობის დრო დასრულდა და მომავალი ეკუთვნის კოალიციურ მმართველობს. ხაზს ვუსვამთ, რომ განსხვავებით „ქართული ოცნების“ შემთხვევისგან, ვისთანაც არანაირი ფორმით არ ვაპირებთ თანამშრომლობას, ჩვენ მივიჩნევთ, რომ „ნაციონალური მოძრაობა“ რჩება ოპოზიციის ღირებულ ნაწილად და ძალაშია ყველა ის შეთანხმება, რომელიც გვაქვს თბილისის მაჟორიტარებთან დაკავშირებით; ბოლომდე შევასრულებთ ჩვენს ვალდებულებებს“, - განაცხადა ბაქრაძემ.
