ევროპული საქართველოს ერთ-ერთი ლიდერი, ფოთის, ხობისა და სენაკის მაჟორიტარობის კანდიდატი, გიგა ბოკერია, მიხეილ სააკაშვილის განცხადებებს ესხმაურება.
გიგა ბოკერიას თქმით, ივანიშვილი არის დღევანდელი უმძიმესი აწმყო და მას ამის გაგრძელება სურს, ხოლო სააკაშვილს სურს წარსულში დაბრუნება.
ბოკერიას თქმით, ერთ დღეს ერთი ბრალდება და შემდეგ დღეს ამ ბრალდების პრინციპულად განსახვავებული ბრალდება არის ის ჭაობი, რომელიც შექმნა ივანიშვილმა და რომელშიც დარჩენას აპირებს სააკაშვილი.
„ივანიშვილი არის დღევანდელი უმძიმესი აწმყო და ამის გაგრძელება უნდა, სააკაშვილს უნდა წარსულში დაბრუნება და ჩვენ შორის არის უზარმაზარი განსხვავება, რადგან ის უკან იხედება და ჩვენ წინ და ევროპულ საქართველოს უნდა გარდამტეხი ცვლილებები. ეს არის ჩვენი გზავნილი ყველგან და ისეთი სისულელე, რომ ერთ დღეს ერთ ბრალდება იტყვი და მეორე დღეს იმის საპირისპირო ბრალდებას, არის ის ჭაობი, რაც შექმნა ივანიშვილმა და რომელშიც დარჩენას და წარსულში ყურებას აპირებს სააკაშვილი და მისი გარემოცვა.“ -განაცხადა გიგა ბოკერიამ.