თუ ქართული ოცნება გაგვიყალბებს არჩევნებს და პარლამენტს გარეთ დაგვტოვებს, დავალეწავ თავზე ყუთებს. განაცხადა "ერთიანი საქართველოს" ლიდერმა, ნინო ბურჯანაძემ ტელეკომპანია "ფორმულას" ეთერში.
მისი თქმით, ის ნებისმიერ შედეგებს მიიღებს და დაეთანხმება თუ ჩათვლის, რომ სამართლიანი იქნება.
"თუ ქართული ოცნება გამიკეთებს იგივეს, მე და ჩემს თანაპარტიელებს რაც გაგვიკეთა 2016 წელს, როდესაც გაგვიყალბა არჩევნები და პარლამენტს გარეთ დაგვტოვა, ვთქვი ეს სიტყვა ერთხელ, ძალიან არ მსიამოვნებს, მაგრამ კიდევ ერთხელ გავიმეორებ - დავალეწავ თავზე ყუთებს. თუ მე ხალხი ხმას არ მომცემს, რასაც მე გამოვრიცხავ, იმიტომ რომ მე მყავს ჩემი მყარი ამომრჩეველი, მივიღებ ამ შედეგს.
ერთმნიშვნელოვნად ვამბობ, მე მივიღებ ნებისმიერ შედეგს, რომელიც იქნება სამართლიანი, მომეწონება თუ არ მომეწონება, თუ მე ვიქნები დარწმუნებული, რომ ეს არის ის რაოდენობა ხმების, რაც მე ჩემმა ამომრჩეველმა მომცა, შეიძლება გული დამწყდეს, შეიძლება ძალიან გამიხარდეს, მაგრამ მივიღებ ამ შედეგს. გაყალბებულ შედეგს, არავითარ შემთხვევაში ქართულ ოცნებას, ბიძინა ივანიშვილს და მის სატელიტებს აღარ ვაპატიებ, იმიტომ რომ კმარა, რაც დასცინეს საქართველოს მოსახლეობას, დაგვცინეს ნამდვილ ოპოზიციას, დაგვცინეს მე და ჩემ თანაპარტიელებს და ბურჯანაძე ერთიანი საქართველოსთვის, 3 ნომერი ამ არჩევნებში არავის არ მისცემს ერთი ხმის მოპარვის უფლებასაც კი", - განაცხადა ბურჯანაძემ.