სამოქალაქო მოძრაობა "ხალხისთვის" დამფუძნებელი ანა დოლიძე აცხადებს, რომ მისი მეტოქე დიდუბე-ჩუღურეთის მაჟორიტარულ ოლქში გია ვოლსკი, ამ რაიონის გამოწვევებს ვერ გაუმკლავდება.
მისივე თქმით, დიდუბე-ჩუღურეთს, თბილისსა და საქართველოს სჭირდება სულ სხვა, ახალი ტიპის პოლიტიკოსი, ახალი ტიპის ხედვებით.
"დიდუბე-ჩუღურეთი არის ის რაიონი, რომელსაც სხვა ყველა რაიონთან შედარებით, ზუსტად, პირადად აქვს განცდილი აყვავებისა და ოქროს ხანა. თამარ მეფემ დიდუბეში გადაიხადა დავით სოსლანთან ქორწილი, რატომ?! იმიტომ რომ ეს იყო აბსოლუტური წალკოტი.
დღეს ამ რაიონს აქვს ბევრად მეტი გამოწვევები და ამ გამოწვევებს ვერანაირად, საკუთარი პოლიტიკური და პროფესიული შესაძლებლობით ვერ უპასუხებს მაჟორიტარობის კანდიდატი გია ვოლსკი. 21-ე საუკუნეში, დიდუბე-ჩუღურეთს, თბილისსა და საქართველოს სჭირდება სულ სხვა, ახალი ტიპის პოლიტიკოსი, ახალი ტიპის ხედვები. ტექნიკური შესაძლებლობებით დღეს ჩვენ გვჭირდება iPhone 11, მაშინ როდესაც გვაქვს ფანრიანი ტელეფონი", - განაცხადა ანა დოლიძემ.
შეგახსენებთ, ანა დოლიძე დიდუბე-ჩუღურეთის ოლქში მაჟორიტარად იყრის კენჭს.