თუ იმის თქმა უნდათ, რომ თუ ჩვენ არ მოვედით დისპროპორციულად, ერთი გუნდით ხელისუფლებაში, მაშინ დარჩეს ივანიშვილიო, ეს დიდი შეცდომაა და ეს ვერც მოხდება და არც მოხდება, - განაცხადა "ევროპული საქართველოს" ლიდერმა გიგა ბოკერიამ „რუსთავი 2“-ის ეთერში.
"ევროპული საქართველოს" ლიდერის თქმით, რეგიონების ყველა მაჟორიტარულ ოლქში კანდიდატების დაყენებასთან დაკავშირებით "ნაციონალური მოძრაობის" წევრების არგუმენტები მისთვის გაუგებარი და ზოგ შემთხვევაში, ურთიერთგამომრიცხავიც
"მათი არგუმენტია, რომ ჩვენ ყველაზე მსხვილი ვართ წინა საპრეზიდენტო არჩევნებზე დაყრდნობითო, რა თქმა უნდა, მეორე ადგილზე გავიდნენ, ამას რა აღმოჩენა უნდოდა, მაგრამ მათი ხმები ხო საკმარისი არაა ივანიშვილისთვის მოსაგებად, ეს ხო ვნახეთ, იმისთვის თუ უნდათ, რომ გაიმარჯვონ, ამ კომპრომისზეა ლაპარაკი. ენმ-ს მეტი ხმა ყველგან აქვს, მაგ ლოგიკით მეტი ხმა ექნებათ ჩვენზე, მაგრამ ნაკლები "ოცნებაზე". ორჯერ ორი ოთხია. მიიღებენ 2018 წლის არჩევნებივით მეორე ტურს. ანუ ამით თუ იმის თქმა უნდათ, რომ თუ ჩვენ არ მოვედით დისპროპორციულად, ერთი გუნდით ხელისუფლებაში, მაშინ დარჩეს ივანიშვილიო, ეს დიდი შეცდომაა და ეს ვერც მოხდება და არც მოხდება. თუ "ნაციონალური მოძრაობა" არ მიიღებს რეგიონში შეთანხმებაში მონაწილეობას სხვა ოპოზიციური პარტიები დაჯგუფდებიან და მაინც იქნება სიჭრელე, უბრალოდ გაუმართლებელი რისკია“, - განაცხადა გიგა ბოკერიამ.
