"ევროპული საქართველოს" ერთ-ერთი ლიდერი გიგი უგულავა აცხადებს, "ნაციონალურმა მოძრაობამ" რეგიონის 22-ვე ოლქში მაჟორიტარი დეპუტატობის საკუთარი კანდიდატების დაყენება გადაწყვიტა.
უგულავამ პარტიის ოფისში გამართულ ბრიფინგზე ოპოზიციის სხვა კანდიდატებს მოუწოდა, რაც შეიძლება მალე დაასრულონ კონსულტაციები და საერთო კანდიდატებზე შეჯერდნენ, რომელიც ასევე კონკურენციაში შევა "ნაციონალური მოძრაობის" კანდიდატებთან.
"ჩვენ ხანგრძლივი კონსულტაციები გვქონდა "ნაციონალურ მოძრაობასთან", საზოგაადოებისთვის ცნობილია და გაცხადებულია მათი პირველად პოზიცია, რომ ისინი თბილისს გარეთ 22-ვე ოლქში დააყენებენ მაჟორირატობის კანდიდატებს. მათი ეს გადაწყვტილება, მიუხედავად ბევრი არგუმენტებისა, უცვლელი დარჩა. ეს მათი უფლება და ნებაა, ამით ჩვენ არ უნდა შევქმნათ რაიმე ტრაგედია და მინდა, მოვუწოდო და ვთხოვო ჩვენს კოლეგებს სხვა პარტიებიდან, უახლოეს დღეებში გავაგრძელოთ და დავასრულოთ კონსტულაციები და შევჯერდეთ საერთო მაჟორიტარებზე, რომლებიც იასპარეზებენ საქართველოს რეგიონებში", - განაცხადა უგულავამ.
მისი თქმით, თუ "ნაციონალური მოძრაობა" პოზიციას შეიცვლის, კვლავ გაგრძელდება მოლაპარაკებები მათი მონაწილეობით. რაც შეეხება თბილისს, მისივე განმარტებით, ეს შეთანხმება ძალაშია.