საქართველოს პრემიერ-მინისტრი რეალურ პოლიტიკურ ფიგურას არ წარმოადგენს, ჩვეულებრივი საპნის ბუშტია, იმიტომ რომ ნებისმიერ დროს შეუძლია მოხსნას ბიძინა ივანიშვილის, ისევე როგორც წინა პრემიერ-მინისტრები, მიუხედავად მისი ბაქიბუქისა საჯარო სივრცეში. ამის შესახებ "ერთიანი ნაციონალური მოძრაბის" ერთ-ერთმა ლიდერმა, ხატია დეკანოიძემ "ტვ პირველის" ეთერში განაცხადა.
დეკანოიძის თქმით, გახარიამ კიდევ ერთხელ დაადასტურა, რომ საქართველოს ხელისუფლებას, არც მას, არც შინაგან საქმეთა მინისტრს განსაკუთრებით, არ აღელვებს ის რომ საქართველოში "ჩვენი შვილების, ახალგაზრდების უსაფრთხოება არ არის დაცული".
"ეს არ არის მხოლოდ და მხოლოდ ზედაპირული საუბარი, რომელიც უნდა ჰქონდეს პრემიერ-მინისტრს ამ შემთხვევაში, მაგრამ კიდევ ვიმეორებ, გახარია ჩვენ გვიწოდებს რაღაც პოლიტიკურ მოღვაწეებს და მისგან განსხვავებით ჩვენ, დიახ და ძალიან ბევრ ადამიანს პოლიტიკურ ოპოზიციაში გაკეთებული გვაქვს ძალიან ბევრი რამ ამ ქვეყნისთვის, მათ შორის მართლმსაჯულების კუთხით.
ეს ადამიანი კი საერთოდ აღმოაცენა ბიძინა ივანიშვილმა, ამიტომ გასაგებია მისი დამოკიდებულება", - თქვა ხატია დეკანოიძემ.