პარლამენტის დამოუკიდებელი წევრი ეკა ბესელია ირაკლი კობახიძის განცხადებას ეხმიანება, სადაც ის ბესელიას "ნაციონალური მოძრაობის" ღია ქომაგად მოიხსენიებს.
ეკა ბესელიას განცხადებით, ირაკლი კობახიძე სასამართლოში არსებული კლანის დამხმარე ბიჭუნაა.
"ირაკლი კობახიძეს მართლაც პირდაპირი მნიშვნელობით თმები ყალყზე უდგება ხოლმე, როგორც კი, კლანს ვახსენებ სასამართლოში. ეს არის მისთვის ძალიან მტკივნეული თემა იმიტომ რომ ეს არის ღია ლობისტი იმ კლანის, ერთი დამხმარე ბიჭუნა. ჯერ პარლამენტის თავმჯდომარის სავარძლიდან იყო მათი დამხმარე ბიჭუნა, ეს კლანი ზუსტად განასახიერებს იმ ძალადობრივ სისტემას და რეჟიმს, როდესაც მართლაც ამ მოსამართლეების გარეშე უბრალოდ ვერ მოხდებოდა ამდენი უსამართლობა",- განაცხადა ეკა ბესელიამ.