იცოდეთ, რომ ამ ბრძოლას მხოლოდ გამარჯვება უწერია, - განაცხადა საქართველოს ყოფილმა პრეზიდენტმა, გიორგი მარგველაშვილმა, თბილისში, რუსთაველის გამზირზე გამართულ საპროტესტო აქციაზე სიტყვით გამოსვლილსას.
მისი თქმით, ხელისუფლება, რომელიც თავის ერსა და საერთაშორისო პარტნიორებს მოიტყუებს, არის საერთაშორისო თაღლითი.
„ასეთი ხელისუფლება არ ეკადრება ჩვენს ერს და საზოგადოებას. ჩვენ, საქართველოს მოქალაქეებმა, არაერთხელ ვაჩვენეთ, რომ თავისუფლების, ღირსების, ჩვენი სამშობლოს და სახელმწიფოს მშენებლობა ჩვენთვის უმნიშვნელოვანესი მიზანია. შესაბამისად, ასეთ ხელისუფლებას მიღებული აქვს ქართველი ხალხის ვერდიქტი, პარტნიორების ვერდიქტი. ასეთი ხელისუფლება, მიუხედავად იმისა, რომ ისინი დღეს კაბინეტებში სხედან, უკვე წარსული ხელისუფლებაა საქართველოსთვის. იცოდეთ, რომ ამ ბრძოლას მხოლოდ გამარჯვება უწერია“, - თქვა მარგველაშვილმა.