თიბისი ბანკის ერთ-ერთმა დამფუძნებელმა მამუკა ხაზარაძემ საფინანსო საბიუჯეტო კომიტეტის სხდომაზე ბანკის ირგვლივ განვითარებულ მოვლენებზე ისაუბრა და აღნიშნა, რომ მაშინ როდესაც პროკურატურა გამოდის, საბანკო ოპერაციებზე კომენტარს აკეთებს და ამბობს, რომ არანაირი დაზარალებული არ არის, ამ დროს ეროვნული ბანკიდან მიიღეს წერილი ვის რა წილი აქვს ანაკლიის პროექტში.
„როცა პროკურატურა გამოდის, საბანკო ოპერაციებზე კომენტარს აკეთებს და ამბობს, რომ არანაირი დაზარალებული არ არის, ბრალდებული არ არის და ახლა ეძებენ, ვინ შეიძლება იყოს, ეს არის გაურკვეველი რაღაც. ამავე დროს ეროვნული ბანკიდან წერილებს ვიღებთ და გვეკითხებიან, ვინ არის ანაკლიის კორპორაციაში დამფუძნებელი? ვის რამდენი პროცენტი აქვს? რა ეროვნული ბანკის საქმეა, ანაკლიის კერძო კომპანიაში ვის რა წილი უკავია, ვინ რამდენი ფული ჩადო და ა.შ 180 მლნ ლარი გვაქვს ინვესტირებული დღემდე, ეს არის 70 მლნ დოლარი, რომ იცოდეთ“, - განაცხადა ხაზარაძემ.