ზურაბ ჟვანიას სახელობის სახელმწიფო ადმინისტრირების სკოლამ 2 და 3 მარტს, პროექტის ფარგლებში -,,საქართველოს საჯარო სკოლების ოპერირება და მოვლა-პატრონობა“ მსმენელთა მეორე ნაკადთან წარმართა სასწავლო პროცესი, რომელშიც ჩართული იყო 83 მსმენელი. მსმენელები წარმოდგენილნი იყვნენ: მარტვილის, მარნეულის, ბაღდათის, ჭიათურის, ჩხოროწყუს, კასპის, გორის, ზუგდიდის და რუსთავის მუნიციპალიტეტებიდან.
3 მარტს ტრენინგ-კურსში ჩართულმა მეორე ნაკადმა დაასრულა სასწავლო პროცესი და მსმენელებს გადაეცათ სერტიფიკატები.
სკოლებში უსაფრთხო, ჯანსაღი, მიმზიდველი გარემოსა და სწავლების ხარისხის გაუმჯობესების მიზნით, პროგრამით გათვალისწინებული სწავლება სავალდებულოა იმ პირთათვის, რომლებსაც უშუალო შეხება აქვთ საჯარო სკოლების ოპერირებასა და მოვლა-პატრონობასთან.
ტრენინგ-კურსის მიზანია ყველა იმ სტანდარტის, ტექნიკისა და მექანიზმის გაცნობა, რომელიც საჭიროა ოპერირებისა და მოვლა-პატრონობის ფუნქციის თითოეული კომპონენტის წარმატებით განსახორციელებლად.
„საქართველოს საჯარო სკოლების ოპერირებისა და მოვლა-პატრონობის“ პროექტში ჩართულია 127 სკოლა, 44 მუნიციპალიტეტი და 44 საგანმანათლებლო რესურსცენტრი. ტრენინგს საქართველოს სხვადსხვა რეგიონის 330-მდე წარმომადგენელი 4 ნაკადად გაივლის.