21 თებერვალს, 17:00 საათზე, თბილისის ისტორიის მუზეუმში „ქარვასლა“ გაიმართება პროექტის „UP-start” პრეზენტაცია. ღონისძიებას საქართველოს განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე, სსიპ „შემოქმედებითი საქართველოს“ დირექტორი ანა რიაბოშენკო და ბრიტანეთის საბჭოს ხელოვნების პროგრამების მენჯერი მაია დარჩია გაუძღვებიან.
პროექტი „UP-start” მიზნად ისახავს თბილისის სახელმწიფო სამხატვრო აკადემიის ბაზაზე მედია ინკუბატორის დაარსებას და სტუდენტებისთვის ბიზნეს პროექტების განვითარების ხელშეწყობას. ასევე, სტუდენტებში ბიზნეს უნარების განვითარებასა და მათი ინგლისური ენის დონის ამაღლებას.
