საქართველოს ეროვნული ბანკის ყოფილი პრეზიდენტი და ილიას სახელმწიფო უნივერსიტეტის ბიზნესის სკოლის დეკანი სოციალურ ქსელ „ფეისბუკში“ წერს, რომ უნივერსიტეტის ადმინისტრაციამ დეკანის თანამდებობიდან გაათავისუფლა.
ქადაგიძე აღნიშნავს, რომ მისი გათავისუფლება მოხდა სწორედ იმ დროს, როდესაც ის საზღვარგარეთ იმყოფებოდა.
„პირადი მიზეზების გამო მომიწია ერთი კვირით ქვეყნის დატოვება. ამ პერიოდს „მომზადებული“ ხვდება უნივერსიტეტის ადმინისტრაცია, ატარებს ე.წ. რეორგანიზაციას რომლის შედეგად სამწუხაროდ აღარ ვარ სკოლის დეკანი.
მიზეზი ძალიან მარტივი და ამავე დროს ფუნდამენტურია. მისი სახელია ცვლილებების შიში და ძირეული სიახლეების მიუღებლობა. არადა სწორედ რომ სიახლეების და რეალური რეფორმების დაგვიანების ფასს ყოველწლიურად ჩვენი ათასობით სტუდენტი იხდის.
ცხადია ეს ამბავი ჩემთვის მხოლოდ ახლა იწყება. მეტის დაწერა სამწუხაროდ პირადი მიზეზების გამო არ შემიძლია, მაგრამ ორშაბათიდან ყველაფერი იქნება საჯარო”, - წერს გიორგი ქადაგიძე.
გიორგი ქადაგიძე აღნიშნავს, რომ მის ე.წ. რეორგანიზაციის“ გამო დეკანის თანამდებობიდან გათავისუფლებას უნივერსიტეტის აკადემიური საბჭოსთვის მიწერილ წერილს უკავშირებს.
