„ეროვნულ-დემოკრატიული ინსტიტუტის“ (NDI) კვლევების თანახმად, გამოკითხულთა 59 პროცენტისთვის ძალიან მნიშვნელოვანია იცხოვროს დემოკრატიულ ქვეყანაში, 33 პროცენტისთვის კი დემოკრატიულ ქვეყანაში ცხოვრება მნიშვნელოვანია.
რაც შეეხება კითხვას, საქართველოში არის თუ არა ამჟამად დემოკრატია“, ქვეყნის მასშტაბით გამოკითხულთა 46 პროცენტი ამბობს, რომ „არა“, ხოლო 43 პროცენტი პასუხობს, რომ „კი“. პასუხი „არ ვიცი“ - 11.
ეროვნულ-დემოკრატიულმა ინსტიტუტმა NDI კვლევა წარმომადგენლობითი შერჩევის წესით, მთელი საქართველოს მასშტაბით ჩაატარა, გარდა ოკუპირებული ტერიტორიებისა. საველე სამუშაოები 2018 წლის 6-20 დეკემბერს ჩატარდა. გამოიკითხა 2205 ადამიანი, ცდომილების საშუალო ზღვარი +/- 2%-ია.